ਕੌਣ ਲੰਘਿਆ ਹੈ ਇਸਨੂੰ ਕੁਚਲ ਕੇ ਯਾਰੋ
ਦਿਲ ਦੀ ਜਮੀਨ 'ਤੇ ਇਹ ਨਿਸ਼ਾਨ ਕਿਸਦੇ ਨੇ .

गुरुवार, जून 23, 2011

ਟੱਪੇ - 1

               
                ਸਾਰੇ ਰਾਹ ਵਿੱਚ ਕਿਕਰਾਂ ਨੇ 
                ਅੱਖਾਂ ਮੀਚ ਕੇ ਇਤਬਾਰ ਕੀਤਾ 
                ਕੰਨੀ ਹੱਥ ਲਵਾਏ ਮਿਤਰਾਂ ਨੇ .

                ਦੁਨਿਆ ਮਾਰਦੀ ਏ ਤਾਨੇ ਸੱਜਣਾ 
                ਛੇਤੀ - ਛੇਤੀ ਮੁੜ ਆ ਵਤਨੀ 
                ਕਿਓਂ  ਲਾਓਣਾ ਏ ਬਹਾਨੇ ਸੱਜਣਾ .

                ਕੋਈ - ਕੋਈ ਤਾਰਾ ਏ 
                ਦੇਖੀਂ ਕਿਤੇ ਲੱਗ ਨਾ ਜਾਏ 
                ਗਮ ਇਸ਼ਕ਼ੇ ਦਾ ਭਾਰਾ ਏ .

                     * * * * *         

शनिवार, जून 04, 2011

ਗੀਤ -3

     ਰੌਣਾ ਪੈ ਗਇਆ ਪੱਲੇ ,ਮਾਰ ਏਸੀ ਮਾਰੀ ਵੇ 
     ਸਾਡੀ ਜਿੰਦਗੀ ਉਜਾੜੇ , ਬਰਸਾਤ ਖਾਰੀ ਵੇ .
     ਉਦਾਸ ਹੋਇਆ ਘਰ ,ਉਦਾਸ ਹੋਈ ਰੂਹ ਏ 
     ਪਲਕਾਂ ਬਿਛਾਏ ਬੈਠੀ , ਸਾਡੇ ਪਿੰਡ ਦੀ ਜੂਹ ਏ .
     ਸੁੰਨੀਆਂ ਰਾਹਾਂ ਨੂੰ ਮੈਂ ਤਾਂ , ਤੱਕ-ਤੱਕ ਹਾਰੀ ਵੇ .
     ਸਾਡੀ ਜਿੰਦਗੀ ਉਜਾੜੇ , ਬਰਸਾਤ ਖਾਰੀ ਵੇ .

     ਗਮਾਂ ਦੀ ਸੌਗਾਤ ਦਿੱਤੀ ,ਸਾਡੇ ਹਾਸੇ ਖੋਹ ਲਏ
     ਜਿੰਨ੍ਹਾ ਨੂੰ ਅਸੀਂ ਦਿਲ ਦਿੱਤਾ , ਜਾਨ ਲੈ ਕੇ ਓਹ ਗਏ.
     ਬੜੀ ਮਹਿੰਗੀ ਪਈ ਏ , ਇਸ਼ਕ਼ ਖੁਮਾਰੀ ਵੇ .
     ਸਾਡੀ ਜਿੰਦਗੀ ਉਜਾੜੇ , ਬਰਸਾਤ ਖਾਰੀ ਵੇ .

     ਦੱਸ ਕਿਵੇਂ ਭੁੱਲਾਂ ਤੈਨੂੰ ,ਸਾਂਹਾ ' ਚ ਵਸਾਇਆ ਏ 
     ' ਵਿਰਕਾ ' ਵੇ ਪਿਆਰ ਨੇ , ਮਾਰ ਹੀ ਮੁਕਾਇਆ ਏ .
     ਸਦਰਾਂ ਦੀ ਚੋਗ ਖਾ ਕੇ ,ਮਾਰੀ ਤੂੰ ਉਡਾਰੀ ਵੇ .
     ਸਾਡੀ ਜਿੰਦਗੀ ਉਜਾੜੇ , ਬਰਸਾਤ ਖਾਰੀ ਵੇ .

                       * * * * *
Related Posts Plugin for WordPress, Blogger...
MyFreeCopyright.com Registered & Protected