ਕੀ ਕਹਾਂ
ਮੇਰੇ ਮਹਬੂਬ
ਚੰਗਾ ਯਾ ਬੁਰਾ
ਦੱਸ ਤੈਨੂੰ ਕੀ ਕਹਾਂ .
ਤੂੰ ਛੱਡਿਆ ਹੈ ਮੈਨੂੰ ਇਕੱਲਾ
ਦਿੱਤੇ ਹੈ ਇਸਨੇ
ਗਮ ਮੈਨੂੰ ਲੱਖਾਂ
ਪਰ ਨਾਲ ਹੀ
ਮੌਕਾ ਵੀ ਦਿੱਤਾ ਹੈ
ਆਪਨੇ ਬਾਰੇ ਸੋਚਣ ਦਾ .
ਮੇਰੇ ਮਹਬੂਬ
ਚੰਗਾ ਯਾ ਬੁਰਾ
ਦੱਸ ਤੈਨੂੰ ਕੀ ਕਹਾਂ .
ਤੂੰ ਕਰ ਗਿਆ ਮੈਨੂੰ ਅਧੂਰਾ
ਇਸ ਗੱਲ ਨੇ
ਧੁਰ ਅੰਦਰ ਤੱਕ ਤੋੜਿਆ ਹੈ ਮੈਨੂੰ
ਪਰ ਪ੍ਰੇਰਨਾ ਵੀ ਦਿੱਤੀ ਹੈ
ਉਸ ਬਾਰੇ ਸੋਚਣ ਦੀ
ਜੋ ਪੂਰਨ ਹੈ .
ਮੇਰੇ ਮਹਬੂਬ
ਚੰਗਾ ਯਾ ਬੁਰਾ
ਦੱਸ ਤੈਨੂੰ ਕੀ ਕਹਾਂ .
ਤੇਰੇ ਬਿਨਾ ਹਨੇਰੀ ਹੋ ਗਈ ਹੈ
ਮੇਰੇ ਲਈ ਰਾਤ ਚਾਨਣੀ
ਚਾਨਣ ਨੱਸ ਗਿਆ ਏ ਲੱਖਾਂ ਕੋਹਾਂ ਦੂਰ
ਪਰ ਹਨੇਰੀਆਂ'ਚ
ਚਾਨਣ ਤਲਾਸ਼ਣ ਦੀ ਜਾਚ
ਸਿਖਾਈ ਹੈ ਤੂੰ ਹੀ .
ਮੇਰੇ ਮਹਬੂਬ
ਚੰਗਾ ਯਾ ਬੁਰਾ
ਦੱਸ ਤੈਨੂ ਕੀ ਕਹਾਂ .
* * * * *