ਕੌਣ ਲੰਘਿਆ ਹੈ ਇਸਨੂੰ ਕੁਚਲ ਕੇ ਯਾਰੋ
ਦਿਲ ਦੀ ਜਮੀਨ 'ਤੇ ਇਹ ਨਿਸ਼ਾਨ ਕਿਸਦੇ ਨੇ .

शनिवार, अगस्त 27, 2011

ਅਵਾਮ ਦੀ ਚੁੱਪ

          
                ਬੇਸ਼ਕ਼
            ਅਵਾਮ
            ਚੁੱਪ ਰਹਿੰਦੀ ਹੈ ਅਕਸਰ 
            ਹੁਕਮਰਾਨਾਂ ਦੀਆਂ 
            ਜਿਆਦਤੀਆਂ ਸਹਿੰਦੀਆਂ ਹੋਈਆਂ ਵੀ 
            ਪਰ ਇਸਦੀ ਚੁੱਪੀ ਦਾ 
            ਇਹ ਮਤਲਬ ਨਹੀਂ 
            ਕਿ ਇਹ 
            ਅਜਿਹੀ ਗੂੰਗੀ ਬੋਲੀ ਹੈ 
            ਜਿਸਨੂੰ ਕੋਈ ਖਬਰ ਨਹੀਂ ਹੁੰਦੀ 
            ਦੂਜਿਆਂ ਦੀਆਂ ਚਾਲਾਕੀਆਂ ਦੀ 
            ਨਾ ਹੀ ਇਹ 
            ਅਜਿਹੀ ਕਾਇਰ ਹੈ 
            ਜੋ ਚੁੱਪ ਹੋ ਗਈ ਹੋਵੇ 
            ਝੰਝਟਾਂ ਦੇ ਡਰ ਕਰਕੇ .

            ਹਾਂ ,
            ਇਸਦੀ ਚੁੱਪੀ ਦੇ ਪਿਛੇ
            ਇਹ ਸੋਚ ਹੋ ਸਕਦੀ ਹੈ 
            ਕਿ ਜਦ ਤਕ ਸਰ ਜਾਵੇ 
            ਬਿਨਾਂ ਬੋਲੇ 
            ਨਾਂ ਬੋਲਨਾ ਚੰਗਾ ਹੈ 
            ਬੋਲਣ ਤੋਂ 
            ਪਰ ਇਹ ਨਾਂ ਸੋਚੋ 
            ਇਹ ਸਦਾ ਹੀ ਖਾਮੋਸ਼ ਰਹੇਗੀ 
            ਜਿਸ ਦਿਨ 
            ਬੋਲਨਾ ਜਰੂਰੀ ਹੋਇਆ 
            ਜਿਸ ਦਿਨ 
            ਚੁੱਪੀ ਕਾਇਰਤਾ ਦੀ ਨਿਸ਼ਾਨੀ ਲੱਗੀ 
            ਇਹ ਅਵਾਮ ਬੋਲੇਗੀ 
            ਬੋਲੇਗੀ ਹੀ ਨਹੀਂ 
            ਸਗੋਂ ਗੱਜੇਗੀ,
            ਉਗਲੇਗੀ ਲਾਵਾ 
            ਜਵਾਲਾਮੁਖੀ ਪਰਬਤ ਦੇ ਵਾਂਗ 
            ਉਸ ਸਬ  ਨੂੰ
            ਤਹਿਸ ਨਹਿਸ ਕਰ ਦੇਣ ਦੇ ਲਈ 
            ਜੋ ਵੀ ਕੂੜਾ ਕਚਰਾ ਹੈ 
            ਇਸ ਸਮਾਜ ਵਿਚ .

                    * * * * *

ਹਰਿਆਣਾ ਪੰਜਾਬੀ ਸਾਹਿਤ ਅਕਾਦਮੀ ਪੰਚਕੂਲਾ ਵਲੋਂ 2010 ਵਿਚ ਪ੍ਰਕਾਸ਼ਿਤ ਪੁਸਤਕ  " ਮਹਿਕ ਸਰਸਵਤੀ ਦੀ " ਵਿਚ ਸ਼ਾਮਿਲ 

                    * * * * * 

मंगलवार, अगस्त 09, 2011

ਅਗਜਲ - 4

       ਛੱਡ ਸਾਕ ਜੱਗ ਦੇ ਹੋਇਆ ਇਕੱਲਾ ਏ 
       ਝੱਲਾ ਏ ,ਝੱਲਾ ਏ , ਦਿਲ ਮੇਰਾ ਝੱਲਾ ਏ .

       ਕੁਝ ਹੋਰ ਨ ਦਿਸਦਾ ਮੈਨੂੰ ਤੇਰੇ ਬਿਨ 
       ਮੈਂ ਜਦ ਦਾ ਫੜਿਆ ਤੇਰਾ ਪੱਲਾ ਏ .

       ਅਜਬ ਜਿਹੀ ਮਸਤੀ ਛਾਈ ਦਿਲ ' ਤੇ 
       ਲੱਗਿਆ ਇਸਨੂੰ ਰੋਗ ਅਵੱਲਾ ਏ .

       ਨਾਂ ਚੰਨ ਕਹਾਂ ਉਸਨੂੰ , ਨਾਂ ਕਹਾਂ ਤਾਰਾ 
       ਮੇਰਾ ਮਹਬੂਬ ਸੱਬ ਤੋਂ ਸਵੱਲਾ ਏ .

       ਤੂੰ ਸਾਥ ਹੈਂ ਮੇਰੇ ਤਾਂ ਸਬ ਸਾਥ ਨੇ ਮੇਰੇ
       ਇਹ ਕੌਣ ਕਹੇ ਕਿ ' ਵਿਰਕ ' ਇਕੱਲਾ ਏ.

                    * * * * *  
Related Posts Plugin for WordPress, Blogger...
MyFreeCopyright.com Registered & Protected