ਕੌਣ ਲੰਘਿਆ ਹੈ ਇਸਨੂੰ ਕੁਚਲ ਕੇ ਯਾਰੋ
ਦਿਲ ਦੀ ਜਮੀਨ 'ਤੇ ਇਹ ਨਿਸ਼ਾਨ ਕਿਸਦੇ ਨੇ .

शनिवार, फ़रवरी 26, 2011

ਕਵਿਤਾ - 1

                               ਸੱਚਾਈ                                 

ਮੈਂ ਜਾਣਦਾ ਹਾਂ
ਤੇਰੀ ਸੱਚਾਈ
ਅਤੇ ਤੂੰ ਜਾਣਦਾ ਹੈਂ
ਮੇਰੀ ਸੱਚਾਈ
ਪਰ ਅਫਸੋਸ
ਆਪਣੇ ਆਪ ਦੀ ਸੱਚਾਈ
                                ਨਾਂ ਤੂੰ ਜਾਣਦਾ ਹੈਂ
                                ਨਾਂ ਮੈਂ ਜਾਣਦਾ ਹਾਂ .

                            * * * * *

बुधवार, फ़रवरी 09, 2011

ਗੀਤ -1

                           ਤੂੰ ਚੇਤੇ ਆਇਆ ਏਂ 


 
                   ਜਦ ਮੋਰਾਂ ਪੈਲ੍ਹਾਂ ਪਾਈਆਂ ਨੇ
                   ਅੰਬਰਾਂ ਤੇ ਘਟਾਵਾਂ ਛਾਈਆਂ ਨੇ
                   ਵੱਜਣ
ਕਿਤੇ ਸ਼ਹਿਨਾਈਆਂ ਨੇ
                   ਤਦ ਤੂੰ ਚੇਤੇ ਆਇਆ ਏਂ .

          ਤੂੰ ਤਾਂ ਜੁੜੀਆਂ ਏਂ ਸਾਡੇ ਸਾਹਾਂ ਨਾਲ
          ਹਰ ਜਨਮ ਰਹੂ ਸਾਨੂੰ ਤੇਰੀ ਭਾਲ .
                    ਜਦ ਪੌਣ ਪੂਰੇ ਦੀ ਵੱਗਦੀ ਏ
                    ਨੈਣਾਂ ਦੀ ਜੋੜੀ ਦਿਲ ਠੱਗਦੀ ਏ
                    ਅੱਗ ਧੁਰ ਅੰਦਰ ਤਕ ਲੱਗਦੀ ਏ
                    ਤਦ ਤੂੰ ਚੇਤੇ ਆਇਆ ਏਂ .

         ਹੰਝੂ ਅੱਖੀਆਂ ਵਿਚ ਕਦ ਰੁਕਦੇ ਨੇ
         ਇਸ਼ਕ਼ ਮਰੀਜ਼ ਸਦਾ ਹੀ ਧੁਖਦੇ ਨੇ .
                     ਜਦ ਕਿਤੇ ਵੱਜੇ ਸੰਗੀਤ ਕੋਈ
                     ਪਿਆਰ ਦੇ ਗਾਏ ਗੀਤ ਕੋਈ
                     ਧੋਖਾ ਦੇ ਜਾਏ ਮਨਮੀਤ ਕੋਈ
                     ਤਦ ਤੂੰ ਚੇਤੇ ਆਇਆ ਏਂ .

         ਦਿਲ ਝੱਲਾ ਏ ' ਵਿਰਕਾ ' ਦਿਲ ਝੱਲਾ ਏ
         ਬੀਤੀ ਗੱਲ ਦਾ ਛੱਡਦਾ ਨਹੀਂ ਪੱਲਾ ਏ
                      ਕੋਈ ਟੁੱਟੇ ਦਿਲ ਨੂੰ ਜਦ ਰੋਏ
                      ਬੇਵਫਾਈ ਦੀ ਕਿਤੇ ਗੱਲ ਹੋਏ
                      ਨੀਂਦ ਚੈਨ ਕਿਸੇ ਦਾ ਜਦ ਖੋਏ

                      ਤਦ ਤੂੰ ਚੇਤੇ ਆਇਆ ਏਂ .

                                *****
Related Posts Plugin for WordPress, Blogger...
MyFreeCopyright.com Registered & Protected