ਕੌਣ ਲੰਘਿਆ ਹੈ ਇਸਨੂੰ ਕੁਚਲ ਕੇ ਯਾਰੋ
ਦਿਲ ਦੀ ਜਮੀਨ 'ਤੇ ਇਹ ਨਿਸ਼ਾਨ ਕਿਸਦੇ ਨੇ .

गुरुवार, अप्रैल 28, 2011

ਅਗਜਲ - 3

ਤੂੰ ਹੈਂ ਦਰਦਾਂ ਦੀ ਦਵਾ ਸੱਜਣ
ਮੁੜ ਵਤਨੀਂ ਫੇਰਾ ਪਾ ਸੱਜਣ .

       ਤਰਸ ਗਈਆਂ ਨੇ ਬਾਹਾਂ ਮੇਰੀਆਂ
       ਆ ਇਕ ਬਾਰੀ ਗਲ ਲਾ ਸੱਜਣ .


ਆਸਾਂ ਦੀ ਡੋਰ ਏਨੀ ਕੱਚੀ ਨਹੀਂ
ਮੇਰੀ ਇਹ ਸੋਚ ਪੁਗਾ  ਸੱਜਣ .


     ਦਿਨ ਚੜ੍ਹਦੇ ਹੀ ਦੇਖਾਂ ਮੁੰਹ ਤੇਰਾ
      ਰੋਜ਼ ਕਰਾਂ ਮੈਂ ਇਹੋ ਦੁਆ ਸੱਜਣ .


ਪਲ-ਪਲ ਕਰਕੇ ਉਮਰ ਬੀਤ ਰਹੀ 

ਵਕ਼ਤ ਕਰੇ ਨਾਂ ਕਦੇ ਵਫ਼ਾ ਸੱਜਣ .

     ਸਾਹਾਂ ਨਾਲ ਸਾਹ ਲੈਣ ਦਾ ਵਾਅਦਾ ਸੀ         

     ਨਾਂ ' ਵਿਰਕ ' ਨੂੰ ਝੂਠਾ ਬਣਾ ਸੱਜਣ

            * * * * *  

सोमवार, अप्रैल 11, 2011

ਹਾਇਕੁ - 3

ਆਈ ਬੈਸਾਖੀ 
ਪੱਕੀਆਂ ਨੇ ਕਣਕਾਂ 
ਪੈਂਦੇ ਭੰਗੜੇ .

ਮਿਲਦਾ ਫਲ 
ਜਦ ਮੇਹਨਤ ਦਾ 
ਨੱਚਦਾ ਦਿਲ .

                                          * * * * * 

शुक्रवार, अप्रैल 01, 2011

ਗੀਤ - 2

ਕਿੰਜ ਜੀਵਾਂ ਇਸ਼ਕ਼ ਨੇ ਕੀਤਾ ਏ ਬੇਦਮ ਸਾਜਨ
ਮੇਰੇ  ਹੱਡੀਂ  ਵੱਸਿਆ  ਏ  ਤੇਰਾ  ਗਮ  ਸਾਜਨ .


ਤਮਾਸ਼ਬੀਨ ਦੁਨਿਆ ਤਮਾਸ਼ਾ ਵੇਖਦੀ ਏ
ਅੱਗ ਲਾਕੇ ਦੂਜਿਆ ਦੇ ਹੱਥ ਸੇਕਦੀ ਏ .
ਲੋਕਾਂ ਕੋਲ ਕਦੋਂ ਮਿਲਦਾ ਏ ਮਲ੍ਹਮ ਸਾਜਨ .

ਮੇਰੇ  ਹੱਡੀਂ  ਵੱਸਿਆ  ਏ  ਤੇਰਾ  ਗਮ  ਸਾਜਨ .


ਹੁਣ ਕਿਸੇ ਕੰਮ ਆਊਨੇ ਦਿਲਾਸੇ ਨਹੀਂ
ਮੇਰੇ ਕੋਲ ਬਾਕੀ ਬਚੇ ਕੋਈ ਹਾਸੇ ਨਹੀਂ .
ਮਨਾ ਆਇਆ ਹਾਂ ਖੁਸ਼ੀਆਂ ਦਾ ਮਾਤਮ ਸਾਜਨ .

ਮੇਰੇ  ਹੱਡੀਂ  ਵੱਸਿਆ  ਏ  ਤੇਰਾ  ਗਮ  ਸਾਜਨ .

ਜਿੰਦਗੀ ਜਿਉਣ ਦਾ ਮੈਨੂੰ ਚੱਜ ਕੋਈ ਨਾਂ
'ਵਿਰਕ' ਮਿਲਿਆ ਵੀ ਮੈਨੂੰ ਸਚ ਕੋਈ ਨਾਂ .
ਬੱਸ ਤੇਰੀਆਂ ਯਾਦਾਂ ਨੂੰ ਲਿਖੇ ਕਲਮ ਸਾਜਨ .

ਮੇਰੇ  ਹੱਡੀਂ  ਵੱਸਿਆ  ਏ  ਤੇਰਾ  ਗਮ  ਸਾਜਨ .    
                * * * * *
Related Posts Plugin for WordPress, Blogger...
MyFreeCopyright.com Registered & Protected