ਕੌਣ ਲੰਘਿਆ ਹੈ ਇਸਨੂੰ ਕੁਚਲ ਕੇ ਯਾਰੋ
ਦਿਲ ਦੀ ਜਮੀਨ 'ਤੇ ਇਹ ਨਿਸ਼ਾਨ ਕਿਸਦੇ ਨੇ .

शुक्रवार, जुलाई 27, 2012

ਮਰ ਜਾਣਾ ਸਾਵਣ

                               ਵਿੱਚ ਤ੍ਰਿੰਝਣ 
                               ਸੰਗ ਸਹੇਲੀਆਂ ਦੇ      
                               ਝੂਟਾਂ ਪੀਂਘ ਮੈਂ 
                               ਹਰ ਹੁਲਾਰੇ ਨਾਲ 
                               ਆਵੇਂ ਯਾਦ ਤੂੰ 
                               ਧੜਕਣ ਵਧਾਵੇ  
                               ਯਾਦਾਂ ਦੀ ਲੜੀ 
                               ਉੱਤੋਂ ਵੱਗਦੀ ਪੌਣ 
                               ਸੀਨੇ ਮੇਰੇ ' ਚ 
                               ਅੱਗ ਦੇ ਲਾਂਬੂ ਲਾਵੇ 
                               ਬੁਝਾਵੇ ਕੌਣ 
                               ਜਦ ਬਰਸਾਤ ਵੀ 
                               ਬਣ ਵੈਰਨ 
                               ਤਿੱਖੇ ਤੀਰ ਚਲਾਵੇ 
                               ਮੇਰੇ ਸੱਜਣਾ 
                               ਨਾ ਐਂਵੇਂ ਤਰਸਾਵੀਂ 
                               ਕਿਤੋਂ ਆ ਜਾਵੀਂ 
                               ਠੰਡਾ ਬੁੱਲ੍ਹਾ ਬਣਕੇ 
                               ਬਿਨ ਤੇਰੇ ਤਾਂ 
                               ਬੜਾ ਸਤਾਉਂਦਾ ਏ 
                               ਮਰ ਜਾਣਾ ਸਾਵਣ 
                        
                                   ******





गुरुवार, जुलाई 05, 2012

ਅਗਜਲ - 9

                         ਰਾਖ ਵਿਚ ਅੰਗਾਰਾ ਫਰੋਲਦਾ ਹਾਂ 
                         ਮੈਂ ਹਰ ਪਲ ਖੁਦ ਨੂੰ ਤੋਲਦਾ ਹਾਂ ।
                         ਸੁਹਾਨਾ ਹੋ ਸਕੇ ਦੁਨਿਆ ਦਾ ਮੌਸਮ 
                         ਪਿਆਰ ਫਿਜਾਵਾਂ ਵਿਚ ਘੋਲਦਾ ਹਾਂ ।


                         ਕਦੇ ਮੈਂ ਚੁੱਪ ਹਾਂ ਬੋਲਦੇ ਹੋਏ 
                         ਕਦੇ ਚੁੱਪ ਵਿਚ ਵੀ ਬੋਲਦਾ ਹਾਂ ।


                         ਭੁੱਲ ਜਾਵਾਂ, ਕਦੇ ਫਿਰ ਯਾਦ ਆਵੇ 
                         ਕਿਉਂ ਜਿੰਦ ਮਿੱਟੀ ਵਿਚ ਰੋਲਦਾ ਹਾਂ ।


                         ਮਿਲ ਜਾਵੇ ਸ਼ਾਇਦ ਮੈਨੂੰ ਖੁਦਾ 
                         ਵਿਰਕ ਹਰ ਚੀਜ ਟੋਲਦਾ ਹਾਂ ।


                              ***********            

Related Posts Plugin for WordPress, Blogger...
MyFreeCopyright.com Registered & Protected