ਕੌਣ ਲੰਘਿਆ ਹੈ ਇਸਨੂੰ ਕੁਚਲ ਕੇ ਯਾਰੋ
ਦਿਲ ਦੀ ਜਮੀਨ 'ਤੇ ਇਹ ਨਿਸ਼ਾਨ ਕਿਸਦੇ ਨੇ .

मंगलवार, अक्तूबर 25, 2011

ਹਾਇਕੁ - 6

       ਰਾਤ ਹਨੇਰੀ 
         ਰੌਸ਼ਨ ਸਾਰਾ ਜੱਗ 
         ਆਈ ਦਿਵਾਲੀ ।
          
          ਹਾਰੇ ਹਨੇਰਾ 
    ਜਿੱਤ ਜਾਵੇ ਚਾਨਣ
    ਕਹੇ ਦਿਵਾਲੀ ।

बुधवार, अक्तूबर 12, 2011

ਗੀਤ - 5

ਮੇਰੇ ਗੀਤਾਂ ਦੀ ਉਮਰ ਲਮੇਰੀ ਹੋ ਜਾਏ , ਜੇ ਹੁੰਗਾਰਾ ਤੂੰ ਭਰੇਂ
ਦਿਲ ਦੀ ਦੌਲਤ ਸਾਰੀ, ਤੇਰੀ ਹੋ ਜਾਏ , ਜੇ ਹੁੰਗਾਰਾ ਤੂੰ ਭਰੇਂ .


ਦਿਲ ਸੋਚਦਾ ਤੈਨੂੰ , ਦਿਲ ਲੋਚਦਾ ਤੈਨੂੰ 
ਤੇਰੇ ਸਿਵਾ ਸੋਚਣ ਤੋਂ , ਹੈ ਰੋਕਦਾ ਮੈਨੂੰ .
ਮੇਰੇ ਖਾਬਾਂ ਦੀ ਪਰਵਾਜ਼, ਉਚੇਰੀ ਹੋ ਜਾਏ, ਜੇ ਹੁੰਗਾਰਾ ਤੂੰ ਭਰੇਂ 
ਮੇਰੇ ਗੀਤਾਂ ਦੀ ਉਮਰ, ਲਮੇਰੀ ਹੋ ਜਾਏ , ਜੇ ਹੁੰਗਾਰਾ ਤੂੰ ਭਰੇਂ .

ਕੀ ਲੈਣਾਂ ਉਮਰਾਂ ਤੋਂ ,ਜੇ ਪਿਆਰ ਨਾ ਹੋਵੇ 
ਸੁੰਨੀ ਲੱਗੇ ਜਿੰਦਗੀ, ਜੇ ਦਿਲਦਾਰ ਨਾ ਹੋਵੇ .
ਚਾਰ ਦਿਨਾਂ ਦੀ ਜਿੰਦਗੀ, ਬਥੇਰੀ ਹੋ ਜਾਏ, ਜੇ ਹੁੰਗਾਰਾ ਤੂੰ ਭਰੇਂ.
ਮੇਰੇ ਗੀਤਾਂ ਦੀ ਉਮਰ, ਲਮੇਰੀ ਹੋ ਜਾਏ , ਜੇ ਹੁੰਗਾਰਾ ਤੂੰ ਭਰੇਂ .

ਨਹੀਂ ਜਿੱਤਿਆ ਜਾਂਦਾ, ਕਦੇ ਤਲਵਾਰਾਂ ਨਾਲ 
ਜਿੱਤ ਮਿਲਦੀ ਯਾਰ , ਬਸ ਪਿਆਰਾਂ ਨਾਲ .
ਇਹ ਸਾਰੀ ਦੁਨਿਆ 'ਵਿਰਕ', ਮੇਰੀ ਹੋ ਜਾਏ, ਜੇ ਹੁੰਗਾਰਾ ਤੂੰ ਭਰੇਂ
ਮੇਰੇ ਗੀਤਾਂ ਦੀ ਉਮਰ, ਲਮੇਰੀ ਹੋ ਜਾਏ , ਜੇ ਹੁੰਗਾਰਾ ਤੂੰ ਭਰੇਂ .


                           * * * * *
Related Posts Plugin for WordPress, Blogger...
MyFreeCopyright.com Registered & Protected