ਗੀਤ - 2

ਕਿੰਜ ਜੀਵਾਂ ਇਸ਼ਕ਼ ਨੇ ਕੀਤਾ ਏ ਬੇਦਮ ਸਾਜਨ
ਮੇਰੇ  ਹੱਡੀਂ  ਵੱਸਿਆ  ਏ  ਤੇਰਾ  ਗਮ  ਸਾਜਨ .

ਤਮਾਸ਼ਬੀਨ ਦੁਨਿਆ ਤਮਾਸ਼ਾ ਵੇਖਦੀ ਏ
ਅੱਗ ਲਾਕੇ ਦੂਜਿਆ ਦੇ ਹੱਥ ਸੇਕਦੀ ਏ .
ਲੋਕਾਂ ਕੋਲ ਕਦੋਂ ਮਿਲਦਾ ਏ ਮਲ੍ਹਮ ਸਾਜਨ .
ਮੇਰੇ  ਹੱਡੀਂ  ਵੱਸਿਆ  ਏ  ਤੇਰਾ  ਗਮ  ਸਾਜਨ .


ਹੁਣ ਕਿਸੇ ਕੰਮ ਆਊਨੇ ਦਿਲਾਸੇ ਨਹੀਂ
ਮੇਰੇ ਕੋਲ ਬਾਕੀ ਬਚੇ ਕੋਈ ਹਾਸੇ ਨਹੀਂ .
ਮਨਾ ਆਇਆ ਹਾਂ ਖੁਸ਼ੀਆਂ ਦਾ ਮਾਤਮ ਸਾਜਨ .
ਮੇਰੇ  ਹੱਡੀਂ  ਵੱਸਿਆ  ਏ  ਤੇਰਾ  ਗਮ  ਸਾਜਨ .

ਜਿੰਦਗੀ ਜਿਉਣ ਦਾ ਮੈਨੂੰ ਚੱਜ ਕੋਈ ਨਾਂ
'ਵਿਰਕ' ਮਿਲਿਆ ਵੀ ਮੈਨੂੰ ਸਚ ਕੋਈ ਨਾਂ .
ਬੱਸ ਤੇਰੀਆਂ ਯਾਦਾਂ ਨੂੰ ਲਿਖੇ ਕਲਮ ਸਾਜਨ .
ਮੇਰੇ  ਹੱਡੀਂ  ਵੱਸਿਆ  ਏ  ਤੇਰਾ  ਗਮ  ਸਾਜਨ .    
                * * * * *