ਸੁਣ ਹਾਕਮਾਂ

ਕਿਤੇ ਕੂੰਜ ਕੁਰਲਾਈ ਏ

ਲੋਕਾਂ ਦੀ ਵੀ ਸੁਣ ਹਾਕਮਾਂ

ਤੂੰ ਗੱਲ ਆਪਣੀ ਸੁਣਾਈ ਏ ।

*****

ਦਿਲਬਾਗ ਸਿੰਘ ਵਿਰਕ

ਜਿੰਦ ਤੇਰੀ ਸੋਹਣਿਆ

ਵਗਦੀ ਏ ਹਨੇਰੀ ਸੋਹਣਿਆ 

ਭਾਵੇਂ ਅਜਮਾ ਕੇ ਵੇਖ ਲੈ 

ਜਿੰਦ ਫਿਰ ਵੀ ਐ ਤੇਰੀ ਸੋਹਣਿਆ ।

ਦਿਲਬਾਗ ਸਿੰਘ ਵਿਰਕ

****** 

ਇਸ਼ਕੇ ਦੀ ਬਰਸਾਤ

               

                ਉਹ ਕਿਹੋ ਜਿਹੇ ਦਿਨ ਸੀ, ਕਿਹੋ ਜਿਹੀ ਰਾਤ ਸੀ 
                ਪਿਆਰ  ਵਾਲੀ  ਜਦੋਂ  ਲੋਕ  ਪਾਉਂਦੇ  ਬਾਤ  ਸੀ |

                ਸਾਥੋਂ  ਬਦਨਸੀਬਾਂ  ਤੋਂ  ਇਹ  ਸਾਂਭ  ਨਾ  ਹੋਈ
                ਮੁਹੱਬਤ  ਰੱਬ  ਦੀ  ਦਿੱਤੀ  ਹੋਈ  ਸੌਗਾਤ  ਸੀ | 

                ਉਮਰ  ਭਰ  ਦਾ  ਸਹਾਰਾ  ਬਣੀ  ਮੇਰੇ  ਲਈ 
                ਉਹ  ਮੁਲਾਕਾਤ  ਇੱਕ  ਏਸੀ  ਮੁਲਾਕਾਤ  ਸੀ |

               ਵਰਖਾ  ਸਾਉਣ  ਦੀ  ਬੜੀ  ਫਿੱਕੀ  ਲੱਗੇ  ਮੈਨੂੰ 
               ਬੜੀ ਪਿਆਰੀ ਯਾਰੋ ਇਸ਼ਕੇ ਦੀ ਬਰਸਾਤ ਸੀ |

               ਦੇਣ ਵਾਲੇ ਨੇ ਦਿੱਤਾ, ਅਸੀਂ ਭਰੀਆਂ ਝੋਲੀਆਂ 
               ' ਵਿਰਕ ' ਸੌਚ ਕੀ ਤੇਰੀ, ਕੀ ਮੇਰੀ ਔਕਾਤ ਸੀ |

                                    ******