ਅੱਜ

ਕਲ ਇੰਜ ਹੋਵੇਗਾ, ਕਲ ਇੰਜ ਕਰਾਂਗਾ , ਸੋਚਦੇ ਹੋ

ਅੱਖਾਂ ਖੋਲ੍ਹ ਕੇ ਤਾਂ ਵੇਖੋ ਹਜੇ ਅੱਜ ਬੀਤਿਆ ਨਹੀਂ ।

*******

ਇਤਬਾਰ

ਜਿਊਂਦੇ ਜੀ ਮਰ ਗਿਆ ਓਹ ਆਦਮੀ

ਜਿਸਤੇ ਲੋਕਾਂ ਨੂੰ ਇਤਬਾਰ ਨਾ ਰਿਹਾ । 

**********

ਆਤਮ ਪੜਚੋਲ

ਪਾਸੇ ਖੜ੍ਹਕੇ ਜੱਦ ਵੀ ਤੱਕਿਆ ਮੈਂ ਖੁਦ ਨੂੰ 

ਮੇਰੇ ਅੰਦਰ ਕੋਈ ਹੋਰ, ਬਾਹਰ ਕੋਈ ਹੋਰ ਸੀ ।

******

ਬੇਮੌਸਮੀ ਬਰਸਾਤ

ਰੋਈਏ ਤਾਂ ਰੋਈਏ ਦੱਸ ਕਿਹਦੇ ਅੱਗੇ 

ਦੇਵਣ ਵਾਲਾ ਹੀ ਜੱਦ ਖੋਹ੍ਵਣ ਲੱਗੇ । 

********

ਮੈਂ ਜਾਣਦਾ ਹਾਂ

ਓਹ ਜਦ ਵੀ ਮਿਲਿਆ,  ਹੱਸਕੇ ਮਿਲਿਆ ਮੈਨੂੰ 

ਪਰ ਮੈਂ ਜਾਣਦਾ ਹਾਂ, ਉਸਦੇ ਦਿਲ ਵਿਚ ਕੀ ਸੀ । 

*******

ਬਰਸਾਤ

ਹੰਝੂਆਂ ਦੀ ਹੋਵੇ ਭਾਂਵੇਂ ਕਿਣਮਿਣ ਕਣੀਆਂ ਦੀ 

ਸਦਾ ਹਾਸੇ ਲੁੱਟੇ ਬੇਮੌਸਮੀ ਬਰਸਾਤ ਨੇ ।

*********